文章来源：魔都白领群
作者：薛理勇
沪语改写：丁曙立、李群
讲述：李群
文字、语音审核：丁迪蒙
编辑：王乙其
往期回顾：根据记载，1937年爆发八一三淞沪战争后，日本成立“中支那忠灵显彰会”，事务所设勒上海个日本人俱乐部，后首来搬到南京。伊名义浪是民间组织，实际浪是半官方机构，以中支派遣军参谋长为理事长，由大使馆参事官1人、总领事1人、地方有名望者7人结成评议员会，当地领事官组成地方委员会及支部，负责勒占领个都市建设“表忠塔”，实际浪就是纪念勒侵华战争中阵亡个日军将士个纪念塔。搿一年，勒上海大场镇建设上海派遣军表忠塔，勒广中路建设“八玄园暨上海海军战表忠塔”。
另外，勒1932年一二八淞沪战争期间个停战议和阶段，4月29日是日本天皇裕仁诞辰个“天长节”，日本军方传出，搿一日天勒虹口公园（今鲁迅公园）举行“天长节暨淞沪战争胜利祝捷大会”，就勒搿天，大韩民国个尹奉吉义士引爆炸弹，侵华日军总司令白川义则大将拨炸煞脱了、日本进攻上海个师团长河端贞次拨炸成重伤，送到医院后死脱，还有多名日本军官受伤，据说，白川义则个墓也勒“麒麟塔”里向。搿搭是日本军政府纪念侵华日军亡灵个场所，又偏离上海市中心区，所以，到过搿搭个中国人寥寥无几，记录少之又少。
抗战胜利后，国民政府清理“广中路表忠塔”敌产，其中有据可查个土地20余亩，归还拨了业主，大部分土地无据可查，后来并入大华农场，迭能大华农场占地面积500余亩，一记头成为离上海市中心最近、占地面积最大个农场之一。
《虹口区地名志》里讲：
麒麟塔遗址勒本区中部偏西（广中路640号），今长征机械厂里向中部东侧。1938年日本侵略军为纪念它在侵华战争中阵亡的官兵，在俞泾浦小浜以北原我国“五卅”烈士纪念墓东北围地26.66万余平方米，兴建1座“八玄园”，园内建造石塔1座，塔顶安置铜质貔貅，俗称麒麟塔。
迭座塔造勒6米高个大平台浪，四周砌围栏，平台正中有一石座，上面有3米多高个花岗岩石塔，塔个前头有一喷水池搭仔游泳池。西南沿俞泾浦、南小浜，北沿北小浜侪有围墙，列为禁区，严禁中国人进去。抗战胜利后，国民政府接收麒麟塔周围一带地区，辟为大华农场。
勒纪念碑前头建游泳池，不可思议，我想应该是作为景观个喷水池。《虹口区地名志》讲塔顶浪个雕塑是“貔貅”，貔貅是中国古籍中传说个猛兽，有个人讲像老虎，有个人讲像熊羆，也有人讲，雄性个叫貔，雌性个叫貅，合称貔貅；貔貅是猛兽，多数用来比喻勇猛个战士，也是民间欢喜个辟邪之物。迭个麒麟塔浪个雕塑是貔貅也是有可能个，以前个上海人勿晓得有“貔貅”迭能个动物，误以为是“麒麟”，就拨叫做“麒麟塔”，也是可以理解个。调一种思维方式，日本人个“表忠塔”是抚恤游魂野鬼、祈祷亡灵个地方，迭个“麒麟塔”会勿会是“祈灵塔”个讹读搭仔讹写呢！
1945年日本战败后，八玄园个部分称为大华农场，后首来部分土地建设成为上海第一汽车附件厂，我勒20世纪70年代中期去过迭个厂，麒麟塔勿看见了，不过，麒麟塔个部分台阶还勒海，现在，估计呒没任何痕迹了。记忆永远是美好个，而童年个记忆往往是模糊个，我记勿清爽麒麟塔塔顶浪个雕塑到底是啥个物事，我也呒没看见过完整清晰个“麒麟塔”个照片，希望有人提供。现代个网络真神奇。文章完成后，朋友从网浪向下载了日本人勒沈阳开办个《盛京日报》关于日本人勒上海建造“海军表忠塔”个报道，其中1931年10月31日报道称：“塔之顶上，置以于中国象征王道之麒麟像，此等设计大表非凡之苦心”；1942年5月27日是关于麒麟塔揭幕个报道，讲：麒麟塔“高约二十九米，塔顶雕刻有三米之麒麟”。看来，麒麟塔个雕塑应该是麒麟。
中国个麒麟搭貔貅侪是神兽，形象相近，但还是可以识别个，我还是希望有人能提供清晰个麒麟塔个照片，看看迭个“麒麟”到底长个是啥个样子。
作者：薛理勇
讲述：李群
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
原标题：《广中路个麒麟塔（二）》
阅读原文